सनातन प्रभात > Post Type > बातम्या > आंतरराष्ट्रीय बातम्या > गोव्यात होणार्‍या ‘सी-२०’ परिषदेच्या माहिती पुस्तिकेचे मुख्यमंत्री प्रमोद सावंत यांच्या हस्ते प्रकाशन !

गोव्यात होणार्‍या ‘सी-२०’ परिषदेच्या माहिती पुस्तिकेचे मुख्यमंत्री प्रमोद सावंत यांच्या हस्ते प्रकाशन !

गोव्यातील वास्को येथे २७ मे या दिवशी प्रथमच होणार्‍या ‘सी-२०’ परिषदेची माहिती पुस्तिका

पणजी, २५ मे (वार्ता.) – गोव्यातील वास्को येथे २७ मे या दिवशी प्रथमच होणार्‍या ‘सी-२०’ परिषदेच्या माहिती पुस्तिकेचे गोवा राज्याचे मुख्यमंत्री श्री. प्रमोद सावंत यांच्या हस्ते पणजी येथील त्यांच्या शासकीय निवासस्थानी प्रकाशन करण्यात आले. या वेळी ‘महर्षि अध्यात्म विश्‍वविद्यालया’च्या संशोधन समन्वयक सौ. श्‍वेता, डॉ.(सौ.) अमृता देशमाने आणि व्यावसायिक श्री. नारायण नाडकर्णी उपस्थित होते.

डावीकडून व्यावसायिक श्री. नारायण नाडकर्णी, ‘महर्षि अध्यात्म विश्‍वविद्यालया’च्या सौ. श्‍वेता, माहिती पुस्तिकेचे प्रकाशन करतांना गोवा राज्याचे मुख्यमंत्री श्री. प्रमोद सावंत आणि डॉ. (सौ.) अमृता देशमाने

मुख्यमंत्र्यांच्या पणजी येथील शासकीय निवासस्थानी आंतरराष्ट्रीय ‘जी-२०’साठी स्वतंत्र कक्ष सिद्ध करण्यात आला आहे. या कक्षातच ‘सी-२०’ परिषदेच्या माहिती पुस्तिकेचे प्रकाशन करण्यात आले. या ‘सी-२०’ परिषदेचे आयोजन गोवा सरकार, ‘महर्षि अध्यात्म विश्‍वविद्यालय’, ‘इंटरनॅशनल सेंटर फॉर कल्चरल स्टडिज’ आणि ‘भारतीय विद्या भवन, नवी देहली’ यांच्या संयुक्त विद्यमाने करण्यात आले आहे.

सी-२० परिषदे’ची माहिती पुस्तिका पाहतांना मुख्यमंत्री प्रमोद सावंत (उजवीकडे) व ‘महर्षि अध्यात्म विश्‍वविद्यालया’च्या सौ. श्‍वेता

२७ मे या दिवशी ‘विविधता, सर्वसमावेशकता आणि परस्पर आदर’ या विषयावर ‘सी-२०’ची परिषद वास्को येथे होणार आहे. यात गोव्यासह देश-विदेशांतील मान्यवर वक्ते विविध विषयांवर मार्गदर्शन करणार आहेत.

महर्षि अध्यात्म विश्वविद्यालयाचे प्रसिद्धीपत्रक !

(चित्रावर क्लिक करा)

या प्रकाशनानंतर मुख्यमंत्री प्रमोद सावंत यांनी महर्षि अध्यात्म विश्‍वविद्यालयाने केलेले विविध आध्यात्मिक संशोधन आणि देश-विदेशांतील कार्य यांविषयी जाणून घेत या कार्याचे कौतुक केले.

नूतन लेख