५० सहस्र रुपयांची लाच घेतांना महावितरण उपकार्यकारी अभियंता विंचूरकर याला पकडले ! 

दापोलीत लाचलुचपत प्रतिबंधक विभागाची कारवाई !

रत्नागिरी, १० मार्च (वार्ता.) – दापोली येथील महावितरण उपकार्यकारी अभियंता अमोल मनोहर विंचूरकर याला ५० सहस्र रुपयांची लाच घेतांना लाचलुचपत प्रतिबंधक विभागाच्या पथकाने पकडले. विंचूरकर यांनी तक्रारदार (वीज ठेकेदार) यांच्याकडे एका कामाचा प्रस्ताव वरिष्ठ कार्यालयाला सादर करण्यासाठी ८० सहस्र रुपयांची लाच मागितली होती. त्यातील ५० सहस्र रुपयांची लाच घेत असतांना अभियंता विंचूरकर यांना पकडण्यात आले.