नगर – ओडिशामधील एका भक्‍ताने शनी अमावास्‍येच्‍या निमित्ताने शनिशिंगणापूर येथील शनिदेवाला १ कोटी रुपयांचा कलश अर्पण केला आहे. हा कलश १ किलो ७०० ग्रॅम सोने आणि ५ किलो चांदी वापरून बनवला आहे; मात्र या भक्‍ताने आपले नाव जाहीर न करण्‍याची विनंती देवस्‍थान प्रशासनाला केली आहे. सायंकाळच्‍या आरतीनंतर हा स्‍वर्णकलश मूर्तीसमोर विधीपूर्वक अर्पण करण्‍यात आला. सदर भाविकाने हे गुप्‍तदान केले आहे. अनेक वर्षानंतर आलेल्‍या पौष शनि अमावास्‍येच्‍या निमित्ताने शनिवारी दिवसभर आणि रविवारी पहाटेपर्यंत देशभरातून लाखोंच्‍या संख्‍येने शनीभक्‍त शनिशिंगणापूरमध्‍ये आले होते.
सोनई येथील भळगट ज्‍वेलर्सचे संचालक आनंद भळगट यांनी हा कलश सिद्ध केला आहे. या कलशावर ‘श्री शनेश्‍वराय नमः ।’ कोरण्‍यात आले असून यावर शनिदेवाचे मंत्रही कोरण्‍यात आले आहेत. या सुवर्णकलशात ९ लिटर तेल बसणार आहे. आजपर्यंतच्‍या दानात सर्वाधिक मोठे दान या कलशाचे आहे.
विकसित महाराष्ट्राचा संकल्प पूर्ण करण्यासाठी जनता महायुतीला निवडून देणार ! – प्रभाकर सावंत, जिल्हाध्यक्ष, भाजप
मुंबईत पोलीस निरीक्षकावर आक्रमणकर्त्याच्या विरोधात गुन्हा नोंद !
पुणे महापालिकेच्या आवारात शिरस्त्राणसक्ती करण्याचा आदेश !
मंदिरांवरील विविध आघातांच्या विरोधात संघटित झालो, तरच हिंदु संस्कृती टिकेल !
१५ मिनिटांचे एकच उत्तर – १०० टक्के मतदान !
जोपर्यंत देशात अखंड एकता आहे, तोपर्यंत भारताला कुणीही तोडू शकत नाही ! – माधवी लता, भाजप नेत्या