राज्‍य सरकारला मोठा धक्‍का !
संभाजीनगर – मुंबई उच्‍च न्‍यायालयाच्‍या संभाजीनगर खंडपिठाने नांदेड महानगरपालिकेतील विकासकामांवरील स्‍थगिती उठवत शहरातील विकासकामांचा निधी वितरित करण्‍याचे आदेश २३ जानेवारी या दिवशी दिले आहेत. या आदेशाने राज्‍य सरकारला मोठा धक्‍का बसला आहे. संभाजीनगर खंडपिठाचे न्‍यायमूर्ती मंगेश पाटील आणि न्‍यायमूर्ती संतोष चपळगावकर यांनी आदेश दिला आहे.
महाविकास आघाडी सरकारच्‍या नगरविकास खात्‍याने २२ जून २०२१ च्‍या शासन निर्णयाद्वारे नांदेड शहरातील रस्‍ते आणि गटारी या मूलभूत गरजांच्‍या कामांसाठी १५० कोटी रुपयांच्‍या विकासकामांना संमती दिली होती. कामे प्रगतीपथावर असतांना हा १५० कोटी रुपयांचा निधी वितरित करण्‍यात आला होता; मात्र सत्तांतर झाल्‍यावर शिंदे-फडणवीस सरकारने ४८ घंट्यांच्‍या आत १ जुलै २०२२ च्‍या शासन निर्णयाद्वारे या निधीस स्‍थगिती दिली होती. त्‍यानंतर संभाजीनगर खंडपिठात २ याचिकांद्वारे स्‍थगितीच्‍या निर्णयास आव्‍हान दिले गेले. यापूर्वीच्‍या सरकारने संमत केलेली आणि ३० ते ७० टक्‍के पूर्ण झालेली कामे थांबवण्‍याचा विद्यमान शासनाचा निर्णय अनधिकृत, मनमानी आणि लहरी असल्‍याचे निरीक्षण नोंदवून वरील आदेश दिला.
फर्मागुढी (गोवा) येथील आयआयटी संकुलात बाँब ठेवल्याचा खोटा संदेश
नोकरी घोटाळा प्रकरणी चौकशीसाठी निवृत्त न्यायमूर्तींच्या अध्यक्षतेखाली आयोग नेमा ! – काँग्रेस
पुणे येथील ‘सवाई गंधर्व भीमसेन महोत्सवा’साठी ध्वनीक्षेपकाची अनुमती
कोल्हापूर जिल्ह्यात गृह मतदानाला प्रारंभ !
पन्हाळा गडावर ‘एक दिवस छत्रपती शिवरायांच्या सान्निध्यात’ ही मोहीम शौर्यपूर्ण वातावरणात पार पडली !
वैकुंठचतुर्दशीच्या निमित्ताने कोल्हापूर येथील श्री महालक्ष्मीदेवीची करण्‍यात आलेली विशेष रूपातील पूजा !