वारकरी संप्रदायाकडून आज ‘ठाणे बंद’ची हाक !

• सुषमा अंधारे यांच्या आक्षेपार्ह वक्तव्याचे प्रकरण

• बाळासाहेबांची शिवसेना, भाजप आणि हिंदुत्वनिष्ठ संघटना यांचा ‘बंद’ला पाठिंबा

संत ज्ञानेश्वरांच्या विरोधातील वक्तव्याने समस्त वारकरी संप्रदायासह लाखो भाविकांच्या भावना दुखावल्या आहेत ! – ह.भ.प. एकनाथ महाराज सदगीर

उद्धव ठाकरे गटाच्या उपनेत्या सुषमा अंधारे यांच्याकडून हेतूपुरस्सरपणे देवता, साधू-संत यांविरोधात सातत्याने वादग्रस्त वक्तव्य करून विष ओकण्याचे काम केले जात आहे. आता संत ज्ञानेश्वरांच्या विरोधातील वक्तव्याने समस्त वारकरी संप्रदायासह लाखो भाविकांच्या भावना दुखावल्या आहेत. या प्रकरणी वारकरी संप्रदायाकडून तीव्र निषेध करण्यात येत आहे. या पार्श्वभूमीवर ठाणे शहरातील वारकरी संप्रदाय आणि हिंदुत्वनिष्ठ संघटनांकडून १७ डिसेंबर या दिवशी ‘ठाणे बंद’ची हाक दिली आहे.