बेंगळुरू येथे मुसलमानांकडून तरुणीवर सामूहिक बलात्कार

‘रॅपिडो’ दुचाकी सेवा देणार्‍या दुचाकीचालक आणि त्याचे साथीदार यांचे कुकृत्य !

बेंगळुरू (कर्नाटक) – येथे ‘रॅपिडो’ या भाड्याच्या दुचाकी सेवा देणार्‍या आस्थापनाचा दुचाकीचालक शाहबुद्दीन आणि त्याचा साथीदार अराफात शरीफ यांनी प्रवासी तरुणीवर सामूहिक बलात्कार केला. ही तरुणी केरळ येथील आहे. पोलिसांनी दोघाही आरोपींना अटक केली आहे.

२२ वर्षीय असणारी पीडित तरुणी बेंगळुरू येथे नोकरी करते. २५ नोव्हेंबरला मित्राच्या घरी जाण्यासाठी तिने रॅपिडो दुचाकी आरक्षित केली होती. त्या वेळी तिची शारीरिक स्थिती चांगली नव्हती. याचा चालक शाहबुद्दीन याने अपलाभ घेत तिला तिच्या मित्राकडे नेण्याऐवजी स्वतःच्या घरी नेले आणि तेथे साथीदारासह तिच्यावर सामूहिक बलात्कार केला. या वेळी तेथे एक महिलाही उपस्थित होती. पोलिसांनी तिलाही अटक केली आहे. रॅपिडो आस्थापनाने या घटनेविषयी खेद व्यक्त करत पोलिसांना सहकार्य करण्याचे आश्‍वासन दिले आहे.