सुवर्ण मंदिराजवळ तंबाखू आणि मद्य यांचे सेवन करणार्‍याची निहंग शिखांकडून हत्या

(शस्त्रधारी शिखांना ‘निहंग शीख’ म्हणतात.)

अमृतसर (पंजाब) – येथील प्रसिद्ध सुवर्ण मंदिरापासून १ किमी अंतरावर निहंग शिखांनी एका व्यक्तीची हत्या केली. या व्यक्तीने तंबाखू आणि मद्य यांचे सेवन केल्यामुळे ही हत्या करण्यात आली. हरमनजीत सिंह असे या मृत व्यक्तीचे नाव आहे. या हत्येची घटना सीसीटीव्हीमध्ये चित्रीत झाली आहे.

Amritsar: Nihang Sikhs hack a man to death near Golden Temple allegedly for smokinghttps://t.co/BeU8vjUrAb

— OpIndia.com (@OpIndia_com) September 9, 2022

पोलीस आयुक्त अरुणपाल सिंह यांनी प्रसारमाध्यमांना सांगितले होते की, हरमनजीत सिंह याने तंबाखू आणि मद्य यांचे सेवन केले असल्याने निहंग शिखांनी त्याच्यावर आक्रमण केले. घटनास्थळी ६-७ लोक असतांना एकाही व्यक्तीने पोलिसांना दूरभाष करून याची माहिती दिली नाही, हे लाजिरवाणे आहे. (पोलिसांविषयी लोकांमध्ये विश्‍वास नसल्याने ते पोलिसांना माहिती देण्यास पुढे येत नाहीत, याचाही विचार पोलिसांनी केला पाहिजे ! – संपादक)