राज ठाकरे यांनी खरी मर्दानगी दाखवली ! – कालीचरण महाराज

सोलापूर – मनसेचे अध्यक्ष राज ठाकरे यांनी खरी मर्दानगी दाखवली आहे. भोंग्यांविषयीची राज ठाकरे यांची भूमिका योग्य असून त्याला आमचा संपूर्ण पाठिंबा आहे, असे मत कालीचरण महाराज यांनी व्यक्त केले. ते जगदंबादेवीच्या दर्शनासाठी सोलापूर दौर्‍यावर आले होते. शहरातील शिवस्मारक सभागृहात त्यांच्या प्रवचनाचे आयोजन करण्यात आले होते. त्या वेळी प्रवचनापूर्वी ते प्रसारमाध्यमांशी बोलत होते. ‘राज्यात लवकरात लवकर हिंदुहितैशी कायदे बनले पाहिजेत’, असेही ते या वेळी म्हणाले.