जम्मू-काश्मीरमध्ये गेल्या ५ वर्षांत ३४ हिंदूंच्या हत्या !

केंद्रीय गृहमंत्रालयाने राज्यसभेत दिली माहिती

नवी देहली – गेल्या ५ वर्षांच्या कालावधीत जम्मू-काश्मीरमध्ये ३४ हिंदूंच्या हत्या झाल्याची माहिती केंद्रीय गृहमंत्रालयाने राज्यसभेत दिली. गृह राज्यमंत्री नित्यानंद राय यांनी सांगितले की, ऑगस्ट २०१९ मध्ये तत्कालीन जम्मू-काश्मीर राज्याला विशेषाधिकार देणारे कलम ३७० रहित झाल्यानंतर म्हणजे गेल्या साधारण पावणे तीन वर्षांच्या कालावधीत जम्मू-काश्मीरमध्ये आतंकवाद्यांकडून ४ काश्मिरी हिंदूंची हत्या करण्यात आली. नुकतेच बालकृष्ण नावाच्या एका काश्मिरी हिंदूवर आतंकवाद्यांनी आक्रमण केले होते.

गृह राज्यमंत्री राय यांनी लेखी स्वरूपात दिलेल्या उत्तरामध्ये सरकारने काश्मीर खोऱ्यात अल्पसंख्यांक (हिंदु) समुदायाची सुरक्षा निश्चित करण्यासाठी अनेक उपाययोजना केल्याचेही सांगितले.