सनातन प्रभात > Post Type > बातम्या > आंतरराष्ट्रीय बातम्या > नवाज शरीफ यांच्या लंडनमधील कार्यालयावर आक्रमण

नवाज शरीफ यांच्या लंडनमधील कार्यालयावर आक्रमण

आक्रमण करणारे इम्रान खान यांच्या पक्षाचे कार्यकर्ते

उजवीकडे पाकचे माजी पंतप्रधान नवाज शरीफ

लंडन (ब्रिटन) – पाकचे माजी पंतप्रधान नवाज शरीफ यांच्या लंडन येथील कार्यालयावर पुन्हा आक्रमण झाले आहे. २ दिवसांपूर्वीही त्यांच्या कार्यालयावर आणि त्यांच्यावर आक्रमण झाले होते. आता १५ ते २० लोकांनी हे आक्रमण केल्याचे वृत्त आहे. या वेळी आक्रमणकर्ते आणि शरीफ यांच्या कार्यालयातील लोक यांच्यात हाणामारी झाली. यात काही जण घायाळ झाल्याचे सांगितले जात आहे. आक्रमण करणारे ज्या वाहनांतून आले होते त्यावर पाकच्या सत्तधारी म्हणजे पंतप्रधान इम्रान खान यांच्या ‘पाकिस्तान तहरीक ए इन्साफ’ (पीटीआय) या पक्षाचे झेंडे लावण्यात आले होते.

पाकिस्तानातील ‘जियो न्यूज’च्या एका पत्रकाराने लंडनमध्ये नवाज शरीफ यांच्यावर झालेल्या आक्रमणाचा व्हिडिओ ट्वीट केला आहे. यात आक्रमण करणार्‍यांतील काही जण ‘मारून टाका…मारून टाका’ असे ओरडतांना दिसत आहेत.

नूतन लेख