गरोदर बकरीवर बलात्कार करून तिची हत्या केल्याप्रकरणी आरोपीला अटक !

एका मुक्या प्राण्यावर अशाप्रकारे अत्याचार करणे, यातून मानवाची किती पराकोटीची अधोगती झाली आहे, हे लक्षात येते ! अशा प्रातिनिधिक घटनांतून समाजपुरुषाला धर्मशिक्षण देणे किती आवश्यक आहे, याचे महत्त्वही पुन्हा एकदा अधोरेखित होते !

कासारगोड (केरळ) – जिल्ह्यात एका गरोदर बकरीवर बलात्कार करून तिची हत्या केल्याच्या प्रकरणी सेंथिल नावाच्या एका व्यक्तीला अटक करण्यात आली आहे. सेंथिल हा एका हॉटेलमध्ये कामगार असून मूळचा तामिळनाडूचा आहे. हॉटेल मालकाने पोलिसात तक्रार केल्यानंतर त्याला अटक करण्यात आली. २९ मार्चच्या रात्री ११ वाजता आरोपीने हे अमानवीय कृत्य केले. बकरीच्या ओरडण्याच्या आवाजाने इतर कर्मचार्‍यांना जाग आली. जेव्हा ते बाहेर आले, तेव्हा त्यांना पिंजर्‍याच्या बाहेर गरोदर बकरी रक्ताळलेल्या अवस्थेत दिसली. त्यांनी घटनास्थळावरून एक व्यक्ती पळतांनाही पाहिली, ज्याची नंतर आरोपी म्हणून ओळख पटली.