कोटा (राजस्थान) येथे पूर्ववैमनस्यातून भाजपच्या पदाधिकार्‍याची हत्या

काँग्रेसच्या राज्यात भाजपचे कार्यकर्ते असुरक्षित ! भाजपच्या राज्यात काँग्रेसच्या पदाधिकार्‍यांची कुणी हत्या केली असती, तर सर्वच काँग्रेसवाल्यांनी भाजपवर टीका केली असती; मात्र या प्रकरणी सर्व शांत आहेत ! – संपादक

हत्या करण्यात आलेले भाजपचे शहर सरचिटणीस विकी आर्य (डावीकडे)

कोटा (राजस्थान) – येथील भाजपचे शहर सरचिटणीस विकी आर्य यांची ६ अज्ञातांनी लोखंडी सळ्या आणि लोखंडी पाईप यांच्या साहाय्याने अमानुष मारहाण करून हत्या केली. पूर्ववैमनस्यातून ही हत्या करण्यात आल्याचे सांगितले जात आहे. पोलिसांचे म्हणणे आहे की, विकी आर्य यांची हत्या त्यांच्या कुटुंबियांनी आणि शेजार्‍यांनीच केली आहे. या प्रकरणी राज आणि निखिल या दोघांना अटक करण्यात आली आहे.