‘इन्स्टाग्राम’वरून हिंदु शिक्षिकेशी मैत्री करून तिच्यावर बलात्कार करणार्‍या दोघा धर्मांधांना अटक !

लव्ह जिहादच्या प्रकरणात हिंदूंना धर्मशिक्षण देऊन त्यांच्यात धर्माभिमान निर्माण करण्याची अपरिहार्यता दिसून येते !

पनवेल – धर्मांध मित्राचा वाढदिवस साजरा करण्यासाठी सुरतहून आलेल्या शिक्षिकेवर बलात्कार करून पळून जाणार्‍या २ धर्मांधांना ८ घंट्यांत अटक करण्यात आल्याची माहिती तळोजा पोलीस ठाण्याचे वरिष्ठ पोलीस निरीक्षक जितेंद्र सोनवणे यांनी दिली. ही घटना घोट (तळोजा) गावात घडली होती. अयुब खान आणि शहाबाज अली अशी अटक केलेल्या आरोपींची नावे आहेत. पीडित शिक्षिका हिंदु असल्याची माहिती सूत्रांनी दिली.

या प्रकरणातील पीडिता ही सुरत येथे रहाणारी असून तिची ‘इन्स्टाग्राम’ या सामाजिक संकेतस्थळावरून शीव येथे रहाणार्‍या अयुबशी ओळख झाली होती. त्याने पीडितेला वाढदिवस साजरा करण्यासाठी मुंबईला बोलावून तळोजा येथे शहाबाजच्या घरी नेले. तेथे तिला ‘बिअर’ पिण्यास देऊन तिच्यावर बलात्कार केला. शहाबाजने तिचा विनयभंग केला आणि दोघे पळून गेले. याविषयी पीडितेने पोलिसांच्या नियंत्रण कक्षाला माहिती दिल्यावर तळोजा पोलिसांनी आरोपींची छायाचित्रे आणि भ्रमणभाष क्रमांक मिळवला. त्यानंतर लोहमार्ग पोलिसांच्या साहाय्याने धावत्या लोकलमध्ये या आरोपींना अटक करण्यात आली.