महाराष्ट्रात रेल्वे फाटकमुक्त होण्यासाठी पायाभूत सुविधा उभारा ! – मुख्यमंत्री

मुंबई – ‘महाराष्ट्र रेल्वे पायाभूत सुविधा विकास महामंडळा’च्या (‘महारेल’च्या) माध्यमातून करण्यात येणार्‍या एकूण १३१ पैकी पहिल्या टप्प्यात ६५ कामांना मुख्यमंत्री फडणवीस यांच्या अध्यक्षतेखाली झालेल्या ‘महारेल’च्या बैठकीत मान्यता देण्यात आली. महाराष्ट्रात रेल्वे ‘फाटकमुक्त’ होण्यासाठी पायाभूत सुविधा उभारण्यात याव्यात, असे निर्देशही मुख्यमंत्र्यांनी या वेळी दिले. सह्याद्री अतिथिगृहात ही बैठक झाली.

मुख्यमंत्री म्हणाले की, संपूर्ण महाराष्ट्रात एकाही रेल्वेमार्गावर फाटक रहाता काम नये. ‘रेल्वे फाटकमुक्त महाराष्ट्रा’साठी पायाभूत सुविधा उभारण्यात याव्यात, तसेच महानगरांमध्ये रेल्वे मार्गाच्या आजूबाजूला असलेले वाढते शहरीकरण लक्षात घेता तेथे नागरिकांच्या सुलभ दळणवळणासाठी पायाभूत सुविधांची कामे हाती घेण्यात यावीत.