पुरंदर आंतरराष्ट्रीय विमानतळासाठी ७३५.२५ हेक्टर क्षेत्राचे भूसंपादन पूर्ण !

पुणे – पुरंदर येथील आंतरराष्ट्रीय विमानतळाच्या भूसंपादनासाठी ७३५.२५ हेक्टर क्षेत्राचे भूसंपादन करण्यास ६० टक्के शेतकर्‍यांनी संमती दिली आहे. भूसंपादनासाठी आतापर्यंत ९०० कोटी रुपयांचे वाटप केल्याची माहिती जिल्हाधिकारी जितेंद्र डुडी यांनी दिली. विमानतळासाठी ७ गावांतून भूसंपादन करणार असून भूसंपादनाचा अंतिम दरही निश्चित केला आहे. प्रकल्पबाधित शेतकर्‍यांना प्रतिएकर किमान १ कोटी ६१ लाख रुपये मिळणार आहेत. भूमीच्या मूळ दराच्या चौपट दरानुसार सरासरी प्रतिएकर २ कोटी रुपयांची रक्कम शेतकर्‍यांच्या खात्यात जमा होणार आहे. ७ मे पासून भूसंपादन करण्यास जिल्हा प्रशासनाने प्रारंभ केला असून शेतकर्‍यांच्या खात्यात कागदपत्रांच्या पूर्ततेनंतर मोबदल्याची रक्कम जमा होईल. येत्या १० जूनपर्यंत भूसंपादनाची प्रक्रिया राबवण्यात येईल, असे जितेंद्र डुडी यांनी स्पष्ट केले.