मलिक यांच्या अटकेनंतर मुख्यमंत्र्यांच्या निवासस्थानी महाविकास आघाडीच्या नेत्यांची बैठक !

मुंबई – नवाब मलिक यांच्या अटकेनंतर शरद पवार यांच्या मुंबईतील ‘सिल्व्हर ओक’ यांच्या निवासस्थानी राष्ट्रवादी काँग्रेसच्या नेत्यांची बैठक झाली. या बैठकीत नवाब मलिक यांचे त्यागपत्र घेण्यात येणार नसल्याची भूमिका राष्ट्रवादी काँग्रेसकडून निश्चित करण्यात आल्याचे समजते.

या बैठकीनंतर शरद पवार यांसह राष्ट्रवादी काँग्रेसचे नेते मुख्यमंत्री उद्धव ठाकरे यांच्या वर्षा या निवासस्थानी बैठकीसाठी गेले. या ठिकाणी शिवसेना, काँग्रेस आणि राष्ट्रवादी काँग्रेस या तीनही पक्षांचे मंत्री बैठकीला उपस्थित होते. सायंकाळी ७.३० वाजता या बैठकीला प्रारंभ झाला.