अमली पदार्थ प्रकरणी अलीबाग येथून युक्रेनची महिला कह्यात

अलीबाग (जिल्हा रायगड) – पोलिसांच्या स्थानिक गुन्हे अन्वेषण शाखेने येथील सारळ गावातील इमारतीत धाड घालून अमली पदार्थ सेवन करणार्‍या दोन ज्येष्ठ नागरिकांसह युक्रेन देशातील एका महिलेला कह्यात घेतले. या प्रकरणी गुन्हा नोंदवण्यात आला आहे. पोलिसांनी सुनील चावला (वय ६९ वर्षे ) आणि हरेंद्र सिंह मंगल सिंह (वय ६५ वर्षे) यांना अटक केली आहे. आरोपींच्या कह्यातून गांजा भरलेल्या कागदी नळ्या, अर्धवट जळलेली गांजाची नळी आणि लायटर असा मुद्देमाल जप्त करण्यात आला.