बाललैंगिक अत्याचारप्रकरणी आरोपीला आजन्म कारावासाची शिक्षा !

माजलगाव सत्र न्यायालयाचा निकाल

माजलगाव (जिल्हा बीड) – अल्पवयीन मुलीवर अत्याचार केल्याच्या प्रकरणी आरोपी पुरुषोत्तम घाटूळ याला दोषी ठरवून माजलगाव सत्र न्यायालयाने आजन्म कारावास आणि २६ सहस्र रुपये दंड, अशी शिक्षा सुनावली आहे. ही घटना १३ जुलै २०२१ या दिवशी घडली होती. माजलगाव सत्र न्यायालयाचे अपर सत्र न्यायाधीश संतोष देशमुख यांनी १८ फेब्रुवारी या दिवशी हा निकाल दिला.

या प्रकरणी पीडितेच्या आईने माजलगाव ग्रामीण पोलीस ठाणे येथे तक्रार दिली होती. त्यानंतर आरोपीविरोधात बाललैंगिक अत्याचार प्रतिबंधक कायद्यानुसार गुन्हा नोंद करण्यात आला होता. (धर्मशिक्षणाच्या अभावामुळे वासनांधांचे प्रमाण वाढत आहे, त्यामुळे सर्वच वयोगटांसाठी शासनाने धर्मशिक्षण देण्याची व्यवस्था करणे आवश्यक आहे, असे कुणाला वाटल्यास चूक काय ? – संपादक)