बंगालमध्ये तृणमूल काँग्रेसच्या नेत्याची हत्या

राज्यातील कायदा आणि सुव्यवस्था राखू न शकणे, हे सरकारी यंत्रणा अन् पोलीस यांना लज्जास्पद !

मारेकर्‍यांपैकी एकाला स्थानिकांनी पकडून ठार केले !

कोलकाता (बंगाल) – येथे तृणमूल काँग्रेसचे नेते सूरसलम बेग यांची काही जणांनी चाकू भोसकून हत्या केली. या वेळी स्थानिकांनी दोघा मारेकर्‍यांना पकडून मारहाण केली. त्यात एकाचा मृत्यू झाला, तर दुसर्‍याला रुग्णालयात भरती करण्यात आले आहे. ही घटना कोलकात्यापासून ३० किलोमीटर अंतरावरील सरिशा हाट येथील बाजारात घडली. भूमीच्या वादातून ही हत्या झाल्याचा आरोप बेग यांच्या कुटुंबियांनी केला आहे. तृणमूल काँग्रेसच्या स्थानिक नेत्यांनी यामागे भाजपचा हात असल्याचा आरोप केला आहे, तर भाजपचे नेते सुकांत मुझुमदार यांनी ‘तृणमूल काँग्रेसमधील अंतर्गत वादाचा हा परिणाम आहे’, असे म्हटले आहे.