अमेरिकेतील काही राज्यांत आता मास्क घालणे बंधनकारक नाही  

वॉशिंग्टन (अमेरिका) – वाढते लसीकरण आणि कोरोनाच्या संसर्गात झालेली घट, यांमुळे अमेरिकेत कोरोना प्रतिबंधात्मक नियम शिथिल करण्यात आले आहे. न्यू जर्सी आणि न्यूयॉर्क येथे मास्क घालणे बंधनकारक नसेल; मात्र त्यासाठी लस घेतल्याचे प्रमाणपत्र असणे आवश्यक आहे. लवकरच शाळा, तसेच सार्वजनिक ठिकाणी बंदीस्त जागेमध्ये मास्कचे बंधन काढण्यात येणार आहे.