पोलिसाकडून झालेल्या लैंगिक शोषणामुळे युवतीची आत्महत्या !

उमरखेड (यवतमाळ), २९ डिसेंबर (वार्ता.) – येथे दंगल नियंत्रण पथकातील विजय हटकर (वय ४२ वर्षे) यांनी २० वर्षीय तरुणीला नोकरीचे आमीष दाखवून तिचे लैंगिक शोषण केले. त्यांच्या घरातच त्या युवतीने गळफास लावून घेऊन आत्महत्या केली. या प्रकरणी बलात्कार आणि आत्महत्येस प्रवृत्त करणे यांविषयीची कलमे लावून हटकर यांना अटक करून ७ दिवसांची पोलीस कोठडी दिली.