शहागड येथील बुलढाणा अर्बन पतसंस्था लुटणार्‍या दोघांना २४ घंट्यांत अटक !

जालना – जिल्ह्यातील शहागड येथे २८ ऑक्टोबर या दिवशी बुलढाणा अर्बन पतसंस्थेत बंदुकीचा धाक दाखवत ३ दरोडेखोरांनी रोख रक्कम आणि दागिने, असा ३ कोटी ५० लाख रुपयांचा मुद्देमाल लुटून नेला होता. जालना, गोंदी आणि गेवराई पोलिसांनी संयुक्त कारवाई करत या प्रकरणातील २ दरोडेखोरांना २४ घंट्यांत पकडून अटक केली आहे. या दोन्ही दरोडेखोरांची यवतमाळ येथे मैत्री झाली होती. एका आरोपीवर मोठ्या प्रमाणात कर्ज होते. आरोपींनी ८ मासांत ३ वेळा विविध ठिकाणी बँका लुटण्याचा प्रयत्न केला आहे. १ मासापूर्वी मुंबईतून चोरून आणलेल्या दुचाकीवरून येऊन त्यांनी शहागड येथे रेकी करून हा गुन्हा केला आहे. मुकिद उपाख्य मुश्ताक कासम (गेवराई) आणि संदीप सोळंके (माजलगाव), अशी दरोडेखोरांची नावे आहेत.