अल्पवयीन मुलीवर मातृत्व लादल्याच्या प्रकरणी संशयित अल्पवयीन मुलाच्या विरोधात गुन्हा नोंद

पीडित मुलगी ३ मासांची गर्भवती असल्याचे तपासात निष्पन्न

समाजात झपाट्याने होत असलेल्या नीतीमत्तेच्या र्‍हासाचा दुष्परिणाम ! – संपादक

सावंतवाडी – तालुक्यातील एका गावात अल्पवयीन मुलीवर एका अल्पवयीन मुलाने अत्याचार केल्याचे २ दिवसांपूर्वी उघड झाले. पीडित मुलीला त्रास होऊ लागल्याने नातेवाइकांनी तिला तपासण्यासाठी शहरातील एका आधुनिक वैद्याकडे नेले होते. त्या वेळी ती पीडित मुलगी ३ मासांची गर्भवती असल्याचे निष्पन्न झाले. याविषयी आधुनिक वैद्यांनी पोलिसांना माहिती दिली. त्यानंतर पोलिसांनी प्रकरणाची चौकशी करून पीडित मुलीच्या नातेवाइकांनी दिलेल्या तक्रारीवरून संशयित मुलाच्या विरोधात गुन्हा नोंद केला. (आतापर्यंत शहरात होणारे अनैतिक प्रकार सिंधुदुर्ग जिल्ह्यासारख्या ग्रामीण भागातही होऊ लागणे, हे समाजातील नीतीमत्तेचे झपाट्याने अध:पतन होत असल्याचे द्योतक आहे ! – संपादक)