‘मला एका जिज्ञासूने पुढील ‘पितृअष्टक’ पाठवले. हे अष्टक वाचत असतांना पितरांच्या प्रतीचा कृतज्ञताभाव जागृत होण्यास साहाय्य होते. सध्या पितृपक्ष चालू आहे. ‘सर्व साधकांच्या पितरांना पुढची गती मिळून त्यांनी आम्हा साधकांना आशीर्वाद देऊन आमच्या साधनेत साहाय्य करावे’, अशी पितरांना विनम्रभावाने प्रार्थना करते आणि हे ‘पितृअष्टक’ पितरदेवांच्या चरणी कृतज्ञता भावसुमनांजलीच्या रूपाने अर्पण करत आहे.
पितृअष्टक
‘जयांच्या कृपेने या कुळी जन्म झाला ।
पुढे वारसा हा सदा वाढवला ।।
नम्रतेने स्मरतो त्या पितरांना ।
साष्टांग नमस्कार त्या पूर्वजांना ।। १ ।।
इथे मान सन्मान सारा मिळाला ।
पुढे मार्ग तो सदा दाखवला ।।
कृपा हीच सारी केली तयांना ।
साष्टांग नमस्कार त्या पूर्वजांना ।। २ ।।
सदा गती मिळो आमच्या पितरांना ।
विनंती हीच माझी त्रिदेवांना ।।
माझ्या कृती कर्माने मिळो मोक्ष त्यांना ।
साष्टांग नमस्कार त्या पूर्वजांना ।। ३ ।।
कर जोडून करते प्रार्थना तयांना ।
अग्नि, वरुण, वायु आदी देवतांना ।।
सदा साहाय्य देऊनी उद्धरी पितरांना ।
साष्टांग नमस्कार त्या पूर्वजांना ।। ४ ।।
वसु, रुद्र आणि आदित्य (टीप १) स्वरूप पितरांना ।
सप्तगोत्रे (टीप २) आणि अनेक कुळ यांना ।।
मुक्तीमार्ग द्यावा उद्धरण्या त्यांना ।
साष्टांग नमस्कार त्या पूर्वजांना ।। ५ ।।
करूनी सिद्धता भोजनाची तयांना ।
पक्वान्ने आवडीने बनवून नाना ।।
सदा मिळो तृप्ती आमच्या पितरांना ।
साष्टांग नमस्कार त्या पूर्वजांना ।। ६ ।।
मनोभावे पुजूनी तीळ-यवाने ।
विप्रास (टीप ३) देऊन दक्षिणा त्वरेने ।।
आशिष द्यावा आम्हा सकलांना ।
साष्टांग नमस्कार त्या पूर्वजांना ।। ७ ।।
सदा स्मृती राहो आपुलीच आम्हा ।
न्यून काही रहाता क्षमा करा ना ।।
गोड मानूनी घ्यावे सेवाव्रतांना ।
साष्टांग नमस्कार त्या पूर्वजांना ।। ८ ।।’
टीप १ – वसु, रुद आणि आदित्य : श्राद्धाच्या वेळी पितरांची वसु, रुद आणि आदित्य या तीन गटांमध्ये गणना केली जाते.
टीप २ – सप्तगोत्रे : एका मतानुसार ‘कश्यप, गौतम, अत्री, भारद्वाज, विश्वामित्र, जमदग्नी आणि वसिष्ठ’ तर दुसर्‍या मतानुसार ‘ भृगु, मरीचि, अत्रि, पुलस्त्य, पुलह, क्रतु आणि वसिष्ठ’ या धर्मव्यवस्था पहाणार्‍या सप्तर्षींपासून निर्माण झालेल्या प्रमुख ७ गोत्रांना ‘सप्तगोत्र’ असे संबोधले आहे.
टीप ३ – विप्रास : ब्राह्मणांना
– संग्राहक : कु. मधुरा भोसले, सनातन आश्रम, रामनाथी, गोवा. (२३.९.२०२१)
‘दैवी सत्संगात सच्चिदानंद परब्रह्म डॉ. आठवले यांचे उपनेत्र म्हणजे सर्व साधक आहेत’, असा भाव ठेवून घेतलेला भाववृद्धीसाठी प्रयोग !
सच्चिदानंद परब्रह्म डॉ. जयंत आठवले यांच्या जन्मोत्सवानिमित्त पुणे येथे काढलेल्या दिंडीमध्ये साधिकेला शिकायला मिळालेली सूत्रे आणि आलेल्या अनुभूती
सनातनच्या ६४ व्या संत पू. (कै.) श्रीमती शेऊबाई लोखंडे (वय १०० वर्षे) यांची त्यांच्या कुटुंबियांना जाणवलेली गुणवैशिष्ट्ये, तसेच त्यांच्या देहत्यागापूर्वी आणि नंतर जाणवलेली सूत्रे !
सच्चिदानंद परब्रह्म डॉ. आठवले यांच्या ब्रह्मोत्सवानिमित्त झालेल्या चंडीयागाचे संगणकीय प्रक्षेपण पहातांना मध्यप्रदेश येथील साधकांना जाणवलेली सूत्रे आणि आलेल्या अनुभूती
परात्पर गुरु डॉ. आठवले यांच्या सत्संगात साधिकेने अनुभवलेले दिव्य आणि अनमोल क्षण !
पू. (श्रीमती) शेऊबाई लोखंडेआजी यांनी देहत्याग केल्यानंतरच्या त्यांच्या छायाचित्रांतून उत्तरोत्तर अधिक प्रमाणात चैतन्य प्रक्षेपित होणे