नवी मुंबई, १७ सप्‍टेंबर (वार्ता.) – कोरोनाच्‍या पार्श्‍वभूमीवर तुर्भे येथील शिवछाया मित्र मंडळाने या वर्षीचा गणेशोत्‍सव साधेपणाने साजरा केला. या वर्षी गणेशोत्‍सवाचे ५१ वे वर्षे आहे. मंडळाच्‍या वतीने सामाजिक बांधिलकी म्‍हणून रक्‍तदान शिबिर, आरोग्‍य शिबिरे, विनामूल्‍य चष्‍मेवाटप, वृक्षारोपण, आपद़्‍ग्रस्‍तांना साहाय्‍य, अन्‍नदान, शैक्षणिक साहित्‍याचे वाटप, गरिब महिलांना शिवणयंत्रांचे वाटप आदी उपक्रम मंडळाने राबवले आहेत. रक्‍तदान शिबिरात ३३ बाटल्‍या रक्‍तसंकलन करण्‍यात आले आहे, अशी माहिती मंडळाचे अध्‍यक्ष अंकुश वैती यांनी दिली.
मंडळाने कोरोनाग्रस्‍तांना साहाय्‍यासाठी मुख्‍यमंत्री साहाय्‍यता निधीस १ लाख रुपयांचे साहाय्‍य केले आहे, तसेच नुकतेच चिपळूण येथील पूरग्रस्‍तांच्‍या कुटुंबियांना जीवनावश्‍यक वस्‍तूंचे वाटप करण्‍यात आले आहे.
शिवछाया मित्र मंडळाच्‍या या सामाजिक कार्याची नोंद घेऊन मंडळाला नवी मुंबई महानगरपालिका, नवी मुंबई पोलीस, दैनिक ‘लोकसत्ता’, दैनिक ‘सकाळ’, दैनिक ‘लोकमत’ यांनी मानाच्‍या पुरस्‍कारांनी सन्‍मानित केले आहे. मंडळाच्‍या वतीने प्रत्‍येक वर्षी वेगवेगळ्‍या विषयांचे समाज प्रबोधनात्‍मक देखावे साकारण्‍यात येतात. या वर्षी कोरोनाच्‍या पार्श्‍वभूमीवर ‘विळखा कोरोनाचा’ हा देखावा साकारण्‍यात आला होता. यात कोरोनाची सद्यःस्‍थिती, उपाययोजना यांविषयीचीच्‍या माहिती देऊन जनजागृती करण्‍यात आली होती.
भाजपच्या उमेदवाराच्या बहिणीवर जीवघेणे आक्रमण !
वक्फ कायदा हा असंवैधानिकच ! – संजीव देशपांडे, ज्येष्ठ विधीज्ञ
चतुर्थीच्या दिवशी लाखो भाविकांनी श्री क्षेत्र ओझर येथील श्री विघ्नहराचे दर्शन घेतले !
आळंदीत कार्तिकी वारीच्या दर्शनबारीसाठी भूमी अधिग्रहण करण्याचा आदेश !
मुंबई ते नवी मुंबई विमानतळ हे अंतर १७ मिनिटांत ! – नितीन गडकरी, केंद्रीय मंत्री
पुणे शहरात निवडणूक प्रक्रिया शांततेत पार पडण्यासाठी १० सहस्र पोलिसांचा बंदोबस्त !