बलात्काराच्या प्रकरणातील साक्षीदाराची हत्या

शामली (उत्तरप्रदेश) – येथील कैरानामध्ये बलात्काराच्या प्रकरणातील साक्षीदाराची आरोपींकडून गोळ्या झाडून हत्या करण्यात आली. (बलात्काराच्या प्रकरणाची तात्काळ सुनावणी होऊन आरोपींना शिक्षा झाली असती, तर ही वेळ आलीच नसती ! व्यवस्थेतील या त्रुटी सुधारण्यासाठी सरकारी यंत्रणा काय करणार ? – संपादक)

२ वर्षांपूर्वी एका युवतीवर बलात्कार केल्याच्या प्रकरणात दोघांना अटक करण्यात आली होती. ते दोघेही जामिनावर सुटले होते. १६ ऑगस्ट या दिवशी पीडित तरुणी तिच्या मैत्रिणीसमवेत मंदिरात जात असतांना आरोपींनी या तरुणीला खेचून जंगलात नेले. तेव्हा मैत्रिणीने घरी जाऊन याची माहिती दिल्यावर पीडितेची आई आणि साक्षीदार अजय हे दोघे घटनास्थळी पोचल्यावर आरोपींनी गोळ्या झाडून अजय यांची हत्या केली.