वाई (जिल्हा सातारा) येथे पाण्यात बुडून २ जणांचा मृत्यू !

सातारा, १४ ऑगस्ट (वार्ता.) – वाई तालुक्यात २ वेगवेगळ्या घटनांमध्ये पाण्यात बुडून २ जणांचा मृत्यू झाला आहे. या घटनांची नोंद वाई पोलीस ठाण्यामध्ये झाली आहे. आसरे येथील संतोष कांबळे ९ ते १२ ऑगस्ट या कालावधीत तांबडेवाडी नावाच्या शिवारामध्ये सार्वजनिक विहिरीमध्ये पडल्यामुळे बुडून मृत्यूमुखी पडले, तर सारिका नेताजी फडतरे या कपडे धुण्यासाठी १२ ऑगस्ट या दिवशी बोपर्डी येथील ओढ्यावर गेल्या होत्या. कपडे धुऊन झाल्यानंतर केस धुण्यासाठी ओढ्यामध्ये उतरल्यानंतर पाण्याच्या प्रवाहात वाहून गेल्या आणि त्यांचा मृत्यू झाला. याविषयी त्यांचे पती शंकर नेताजी फडतरे यांनी पोलिसांना माहिती दिली.