भिवंडीत धोकादायक यंत्रमाग कारखाना कोसळला; २ कामगार घायाळ

ठाणे, ११ जुलै (वार्ता.) – भिवंडी शहरातील गायत्रीनगर परिसरातील फातिमा नगर येथील न्यू आजमी कंपाऊंडमधील ‘यू.एस्. टेक्सटाईल’ हा यंत्रमाग कारखाना ११ जुलैला अचानक कोसळला. सुदैवाने त्या वेळी कामगारांची जेवणाची वेळ असल्याने मोठी जीवितहानी टळली. या दुर्घटनेत २ कामगार किरकोळ घायाळ झाले आहेत. संबंधित कारखान्याला महानगरपालिकेने यापूर्वीच धोकादायक इमारत म्हणून नोटीस बजावली होती. तरीही कारखाना चालू होता. परिसरातील अनधिकृत आणि धोकादायक असल्याची नोटीस बजावलेल्या कारखान्यांवर कारवाई कधी होणार, असा प्रश्न नागरिक विचारला आहेत.