नवी मुंबईत भाजप नगरसेविकेच्या पतीवर प्राणघातक आक्रमण

लोकप्रतिनिधींवर प्राणघातक आक्रमणे होतात, म्हणजे शहराज कायदा-सुव्यवस्था अस्तित्वात नाही, हेच सामान्यांना वाटते.

नवी मुंबई – भाजप नगरसेविका संगिता म्हात्रे यांचे पती संदीप म्हात्रे यांच्यावर दोन जणांनी प्राणघातक आक्रमण केले आहे. कोपरखैरणे सेक्टर ६ मधील कार्यालयात घुसून रिव्हॉल्वर आणि कोयता यांद्वारे आरोपींनी आक्रमण केले. घायाळ संदीप म्हात्रे यांच्यावर नवी मुंबई महापालिका रुग्णालयात उपचार चालू आहेत. आक्रमणाचे कारण अद्याप अस्पष्ट असून कौपरखैरणे पोलीस याचा अधिक तपास करत आहेत. या वेळी म्हात्रे यांनी आरडाओरड केली. तेव्हा आरोपींनी तिथून पळून जाण्याचा प्रयत्न केला; मात्र लोकांनी एका आरोपीला पकडून पोलिसांच्या कह्यात दिले आहे. दुसरा आरोपी पसार असून पोलीस त्याचा शोध घेत आहेत.