सौंदर्यवृद्धीसाठी आयुर्वेद विशेष !

टक्कल पडणे

• इंद्रलुप्त (चाई) किंवा टक्कल : कडू पडवळाच्या (पटोल) पाल्याचा रस चोळावा.

• गुंजेचे मूळ बिब्याच्या रसात उगाळून लेप लावावा.

• गुंजा मधात अगर तुपात उगाळून लावाव्या.

• गुंजा, हस्तिदंताची राख आणि रसांजन यांचा लेप लावावा.

• जास्वंदाचे फूल गोमूत्रात वाटून लावावे किंवा जास्वंदाच्या फुलांनी किंवा पाला वाटून सिद्ध केलेला लेप लावावा.

• जेष्ठमध, गुंजा, मनुका, तिळाचे तेल आणि बकरीचे दूध एकत्र करून त्याचा टक्कलावर लेप लावावा.

घाम येणे

• घामाला वास येत असल्यास : कुष्ठ चूर्ण, जांभळाची पाने आणि अर्जुनाची साल यांचे वस्त्रगाळ चूर्ण करून अंगाला मसाज करावा.

• जास्त घाम येत असल्यास : कुळथाचे पीठ अंगास चोळावे.

• घाम बंद होण्यास : भाजलेले चणे, ओवा आणि वेखंड यांचे चूर्ण अंगाला चोळावे.

केस पिकणे, त्वचेवर सुरकुत्या पडणे आणि वृद्धावस्था लवकर येऊ न देण्यासाठी उपयोगी रसायन : अश्वगंधा

तारुण्यपिटिका

• अर्जुनाची साल दुधात वाटून लेप लावावा.

• जुनी तिळाची पेंड गोमूत्रात कालवून लेप लावावा.

• तारुण्यपिटिकेत पू आला असल्यास आंबेहळद ओली करून लावल्याने तो अलगद बाहेर पडतो.

• जायफळ उगाळून लावावे.

मुखदुर्गंधी

• केशराचा विडा तोंडात ठेवल्याने तोंडाचा दुर्गंध नाहीसा होतो.