सातारा जिल्ह्यात अश्‍लील ध्वनिचित्रीकरण दाखवून अल्पवयीन मुलीवर अत्याचार !

अल्पवयीन मुलींवर होणार्‍या अत्याचारांच्या वाढत्या घटना पहाता समाजाची नैतिकता धुळीस मिळाली आहे, हेच लक्षात येते !

सातारा, १८ एप्रिल (वार्ता.) – जावळी तालुक्यातील एका ६ वर्षांच्या मुलीला खाऊचे आमीष दाखवत अश्‍लील ध्वनिचित्रीकरण दाखवून तिच्यावर वेळोवेळी अत्याचार केल्याची तक्रार मेढा पोलीस ठाण्यात नोंदवण्यात आली आहे.

या गुन्ह्यातील आरोपी १८ ते ६२ वर्षे वयोगटातील असून एप्रिल २०२० ते मार्च २०२१ या कालावधीत हा गुन्हा घडला आहे. या प्रकरणी जावळी तालुक्यातील केडंबे गावातील ५ जणांना पोलिसांनी कह्यात घेतले असून एकजण पळून जाण्यात यशस्वी झाला आहे. या प्रकारामुळे जावळी तालुक्यातील जनतेतून तीव्र संताप व्यक्त केला जात आहे.