नांदेड येथील काँग्रेसचे आमदार रावसाहेब अंतापूरकर यांचे कोरोनामुळे निधन !

मुंबई – नांदेडच्या देगलूर बिलोली मतदारसंघाचे काँग्रेसचे आमदार रावसाहेब अंतापूरकर (वय ६३ वर्षे) यांचे ९ एप्रिल या दिवशी कोरोनामुळे निधन झाले. येथील बॉम्बे रुग्णालयात त्यांच्यावर उपचार चालू होते. १७ मार्च या दिवशी रावसाहेब अंतापूरकर यांचा कोरोना अहवाल ‘पॉझिटिव्ह’ आला होता. रावसाहेब अंतापूरकर हे कोरोनामुळे निधन झालेले भारत भालके यांच्यानंतरचे दुसरे विद्यमान आमदार आहेत. यापूर्वी पंढरपूर-मंगळवेढा मतदारसंघाचे राष्ट्रवादी काँग्रेसचे आमदार भारत भालके यांचे कोरोनामुळे निधन झाले होते. त्यांच्या निधनाने रिक्त झालेल्या जागेवर सध्या पोटनिवडणूक होत आहे.