बार्शी येथील कपूरबा इलेक्ट्रॉनिक्सला ३० दिवसांसाठी टाळे ठोकले !

कोरोना प्रतिबंधात्मक उपाययोजनांचे दुसर्‍यांदा उल्लंघन

बार्शी (जिल्हा सोलापूर) – शहरातील कपूरबा इलेक्ट्रॉनिक्स या दुकानाला ३० दिवसांसाठी टाळे ठोकले असून दुकान मालकाविरोधात गुन्हा नोंद करण्यात आला आहे. कोरोनाच्या वाढत्या संसर्गामुळे कोणत्याही दुकानात विनामास्क ग्राहक आढळल्यास दुकानदारास १ सहस्र रुपये दंड, तर दुसर्‍यांदा नियमांचे उल्लंघन केल्याचे आढळल्यास २ सहस्र रुपये दंड आणि गुन्हा नोंद करून ३० दिवसांसाठी दुकान बंद करण्यात येईल, असे आदेश प्रशासनाने दिले आहेत. याविषयी माहिती असूनही दुसर्‍यांदा नियमांचे उल्लंघन करण्यात आल्याने ही कारवाई करण्यात आली.