राष्ट्रवादीचे आमदार नीलेश लंके यांची कोरोना रुग्णालयास ‘मास्क’ किंवा ‘पीपीई किट’ न घालता भेट !

कोरोना महामारीच्या काळात आदर्श कृती करण्याचे भान नसलेले लोकप्रतिनिधी अन्य वेळी कसे वागत असतील, असा विचार कुणाच्या मनात आल्यास चूक ते काय ?

नगर – पारनेरचे राष्ट्रवादीचे आमदार नीलेश लंके यांनी रुग्णालयात उपचार चालू असलेल्या कोरोना रुग्णांची ‘मास्क’ किंवा ‘पीपीई किट’ न घालता भेट घेतली. तसेच त्यांच्यासमवेत ‘सेल्फी’ही काढले. ‘मी असुरक्षित असलो तरी चालेल. माझी जनता मात्र सुरक्षित असली पाहिजे’, असे सांगत लंके यांनी ही भेट घेतली आहे. कोणत्याही सुरक्षेविना भेट घेतल्यामुळे आरोग्य आणि सरकारी नियमांच्या विरोधात त्यांची ही कृती झाली आहे, अशी टीका त्यांच्यावर होत आहे.