मालेगावच्या सेंट्रल चित्रपटगृहात चित्रपट चालू असतांना प्रेक्षकांनी फोडले फटाके

मालेगाव (जिल्हा नाशिक) – मालेगावच्या सेंट्रल चित्रपटगृहात चित्रपट चालू असतांना काही प्रेक्षकांनी फटाके फोडले. फटाके फोडणार्‍या अज्ञात प्रेक्षकांविरोधात चित्रपटगृहाच्या मालकाने पोलिसात गुन्हा नोंद केला आहे. ही घटना १० दिवसांपूर्वी घडल्याचे बोलले जात आहे. चित्रपटगृहामध्ये फटाके फोडल्याची ध्वनीचित्रफीत सामाजिक प्रसारमाध्यमांमध्ये प्रसारित झाल्याने हा प्रकार उघडकीस आला.