कुख्यात गुंड गजानन मारणेच्या विरोधात पिंपरी-चिंचवडमध्ये गुन्हा नोंद

पुणे – कुख्यात गुंड गजानन मारणेने कारागृहातून सुटल्यानंतर मिरवणूक काढण्याच्या प्रकरणी पुण्याच्या पोलीस आयुक्तांशी चर्चा करून कारवाई करणार असल्याचे गृहराज्यमंत्री शंभूराज देसाई यांनी सांगितले. कारागृहातून सुटून आल्यानंतर गजानन मारणेवर पिंपरी-चिंचवड पोलीस आयुक्तालयात पहिला गुन्हा नोंद झाला आहे.

कारागृहातून सुटल्यानंतर मिरवणूक काढणे, हा प्रकार पूर्णपणे चुकीचा आहे. मिरवणुकीच्या व्हिडिओ क्लिप पडताळल्या जाणार आहेत. अवैध पद्धतीने जमाव जमवला असेल, तर चौकशीअंती त्याच्यावर कारवाई केली जाईल, असे देसाई यांनी सांगितलेे.