सामाजिक माध्यमांवरील ओळखीचा अपलाभ घेत पुण्यातील निवृत्त शिक्षिकेची १३ लाखांची फसवणूक !

लोकहो, सामाजिक संकेतस्थळांचा वापर करतांना सतर्कता बाळगा !

पुणे – फेसबूकवर ओळख झालेल्या व्यक्तीने ६१ वर्षीय निवृत्त शिक्षिकेची महागड्या भेटवस्तूंचे प्रलोभन दाखवून १३ लाख १७ सहस्र रुपयांची फसवणूक केली. जानेवारी ते जून २०२० या कालावधीत ही घटना घडली. याविषयी महिलेने दिलेल्या तक्रारीनुसार मुंढवा पोलीस ठाण्यात तिघांच्या विरोधात फसवणूक आणि आयटी अ‍ॅक्टनुसार गुन्हा नोंद करण्यात आला आहे. सायबर पोलिसांकडे तक्रार अर्ज दिल्यानंतर त्यांनी अन्वेषण करून मुंढवा पोलिसांकडे प्रकरण वर्ग केले आहे.