संगम माहुली येथे उसाच्या शेताला लागलेल्या आगीत ८ एकरातील ऊस जळला

लक्षावधी रुपयांची हानी

सातारा, १० फेब्रुवारी (वार्ता.) – शहराजवळील संगम माहुली या गावातील उसाच्या शेताला आग लागली. आगीत ८ एकरातील ऊस जळून गेला. त्यामुळे ६ शेतकर्‍यांची लक्षावधी रुपयांची हानी झाली. नदीकाठी असलेल्या कचर्‍याला आग लावण्यात आली होती. या आगीचे लोळ उसापर्यंत गेले आणि त्यालाही आग लागली. ही गोष्ट लक्षात येताच अग्नीशमन दलाला पाचारण करण्यात आले. अथक प्रयत्नांनंतर अग्नीशमन दलाने आग आटोक्यात आणली.