केंद्रीय गृहमंत्री अमित शहा यांचा आज सिंधुदुर्ग जिल्हा दौरा

सिंधुदुर्ग – केंद्रीय गृहमंत्री अमित शहा ६ फेब्रुवारीला सिंधुदुर्ग जिल्हा दौर्‍यावर येणार आहेत. या दौर्‍यात ते माजी मुख्यमंत्री तथा खासदार नारायण राणे यांच्या पडवे, कसाल येथील वैद्यकीय महाविद्यालयाचे उद्घाटन करणार आहेत. या वेळी माजी मुख्यमंत्री तथा विरोधी पक्षनेते देवेंद्र फडणवीस, भाजपचे प्रदेशाध्यक्ष चंद्रकांत पाटील आदी उपस्थित रहाणार आहेत. या वैद्यकीय महाविद्यालयाच्या माध्यमातून प्रतिवर्षी १५० आधुनिक वैद्य सिद्ध होणार आहेत. जिल्ह्यातील आरोग्य व्यवस्थेला याचा लाभ होणार आहे, अशी माहिती भाजपचे जिल्हाध्यक्ष माजी आमदार राजन तेली यांनी दिली.