कोल्हापूर येथे चिकित्सालयातील फलकाद्वारे हिंदु राष्ट्र-जागृती सभेचा वैशिष्ट्यपूर्ण प्रसार !

कोल्हापूर, ४ फेब्रुवारी (वार्ता.) – ६ फेब्रुवारी या दिवशी सायंकाळी ७ वाजता हिंदु जनजागृती समितीच्या वतीने होणार्‍या ऑनलाईन हिंदु राष्ट्र-जागृती सभेचा प्रचार आता शिगेला पोचला आहे. वैयक्तिक संपर्क, सामाजिक प्रसारमाध्यम, विविध ठिकाणी फलकप्रसिद्धी यांद्वारे सहस्रो लोकांपर्यंत सभेचा विषय पोचवण्यात येत आहे.

या सभेच्या प्रचारासाठी येथील सनातन संस्थेचे साधक त्वचारोगतज्ञ डॉ. मानसिंग शिंदे यांनी त्यांच्या चिकित्सालयात एक फलक सिद्ध केला असून याद्वारे रुग्णालयात येणार्‍या अनेक रुग्णांपर्यंत हा विषय पोचण्यास साहाय्य होत आहे. फलक वाचून रुग्णालयात येणार्‍या अनेक रुग्णांनी ‘आम्ही सभा निश्‍चित पहाणार’, असा प्रतिसाद दिला आहे.