सनातन प्रभात > Post Type > बातम्या > राष्ट्रीय बातम्या > पुण्यातील सोनित सिसोलेकर प्रधानमंत्री राष्ट्रीय बालशौर्य पुरस्काराने सन्मानीत

पुण्यातील सोनित सिसोलेकर प्रधानमंत्री राष्ट्रीय बालशौर्य पुरस्काराने सन्मानीत

सोनित सिसोलेकर

पुणे – येथील पॅराडाईज इंग्लीश मीडियम स्कूलमध्ये इयत्ता आठवीत शिकणार्‍या सोनित सिसोलेकर याने नासाच्या एका स्पर्धेत मंगळ ग्रहावरील माती लाल का झाली ?, यासंबंधी संशोधन सादर केले. त्याच्या विज्ञानातील सातत्यपूर्ण कामगिरीतून प्रधानमंत्री राष्ट्रीय बालशौर्य पुरस्कारासाठी निवड झाली आहे. तसेच त्याला इतर स्पर्धांमध्ये राज्य पातळीवर, राष्ट्रीय पातळीवर सुवर्णपदकही मिळाले आहे. आठवीत शिकणार्‍या सोनितने इंडियन नॅशनल सायन्स अँड इंजिनिअरिंग फेअरमध्ये झाडांच्या वाढीत आवाजाचा काय परिणाम होतो, यावर संशोधन केले होते.

सध्या तो पुण्यातील आणि दख्खनच्या पठारावरील लाव्हा ट्यूब या विषयावर संशोधन करीत आहे. कोरोनामुळे देहलीत कार्यक्रम होऊ शकला नाही; पण पुरस्कार विजेत्या विद्यार्थ्यांशी पंतप्रधान मोदी यांनी ऑनलाईन संवाद साधला. त्यामुळे मी प्रेरित झालो असून भविष्यात संशोधन क्षेत्रात पुढे जायचे आहे, असे त्याने सांगितले.

नूतन लेख