१५ वर्षांनंतर प्रथमच शनिशिंगणापूर ग्रामपंचायतीत सदस्यांची निवड बिनविरोध

नगर – शनिशिंगणापूर येथे असलेल्या दोन राजकीय गटांमुळे देवस्थान ट्रस्ट आणि ग्रामपंचायतमध्ये नेहमीच राजकीय खडाजंगी असायची मात्र, मंत्री शंकरराव गडाख यांनी शनैश्‍वर देवस्थानसाठी गावातील मूळ रहिवासीच विश्‍वस्त होणार, अशी घटना मुख्यमंत्री उद्धव ठाकरे यांच्या वतीने पूर्ववत करून आणल्याने गावातील सर्व विरोधक एका छताखाली आले आहेत.

बाहेरचे राजकारणी दिशाभूल करत असल्याने आम्ही युवक भरकटलो होतो. गडाख यांच्यामुळे नवीन विश्‍वस्त सर्वसमावेशक निवडले आणि ग्रामपंचायतही बिनविरोध झाली, असे नूतन सदस्य बाळासाहेब कुर्‍हाट यांनी सांगितले.