मुंबईतील अंमलबजावणी संचालनालयाच्या कार्यालयावर शिवसैनिकांनी ‘भाजप प्रदेश कार्यालय’ असा फलक लावला

मुंबई – शिवसेनेचे खासदार संजय राऊत यांच्या पत्नी सौ. वर्षा राऊत यांना अंमलबजावणी संचालनालयाकडून समन्स पाठवण्यात आले आहे. यामुळे संतप्त झालेल्या शिवसैनिकांनी २८ डिसेंबर या दिवशी अंमलबजावणी संचालनालयाच्या कार्यालयावर ‘भाजप प्रदेश कार्यालय’ असा फलक लावला. सौ. वर्षा राऊत यांना समन्स आल्यावर संजय राऊत यांनी घेतलेल्या पत्रकार परिषदेत भाजपकडून केंद्रीय अन्वेषण यंत्रणांचा दुरुपयोग करण्यात येत असल्याची टीका केली. त्यानंतर शिवसैनिकांनी ही कृती केली. महाविकास आघाडीच्या काही नेत्यांकडूनही अशा प्रकारची टीका करण्यात येत आहे.