शिक्षण खात्याने नाताळची सुटी १ जानेवारीपर्यंत वाढवली

पणजी, १५ डिसेंबर (वार्ता.) – शिक्षण खात्याने शाळांच्या नाताळच्या सुटीच्या कालावधीत पालट केला आहे. शाळांसाठी पूर्वी नाताळची सुटी २४ डिसेंबर ते ३१ डिसेंबर या कालावधीसाठी होती आणि आता १ जानेवारीपर्यंत असणार आहे. शिक्षण खात्याने हा निर्णय घोषित केला आहे.

यापूर्वी ‘डायोसेसन सोसायटी’ या ख्रिस्ती संघटनेच्या काही शाळांच्या शिक्षकांच्या एका गटाने १ जानेवारी या दिवशी शाळांना सुटी घोषित करण्याची मागणी शिक्षण खात्याकडे केली होती. ३१ डिसेंबरच्या रात्री चर्चमध्ये प्रार्थनांना जावे लागत असल्याने १ जानेवारी या दिवशी शाळांना सुटी घोषित करण्याची मागणी करण्यात आली होती.