पोलिसांवर हात उगारणार्‍या महिला आणि बाल विकासमंत्र्यांनी त्यागपत्र द्यायला हवे होते ! – देवेंद्र फडणवीस, विरोधी पक्षनेते, विधानसभा

मुंबई, १५ डिसेंबर (वार्ता.) – पोलिसांचा आदर करण्याचे आवाहन शासन करत आहे; मात्र महिला आणि बाल विकासमंत्र्यांनी थेट पोलिसावरच हात उगारला. याविषयी न्यायालयाने त्यांना शिक्षा दिली आहे. या प्रकरणी त्यांनी पदाचे त्यागपत्र द्यायला हवे होते, असे वक्तव्य विधानसभेचे विरोधी पक्षनेते देवेंद्र फडणवीस यांनी केले.

१५ डिसेंबर या दिवशी विधानसभेत पुरवणी मागण्यांविषयी बोलतांना त्यांनी वरील विधान केले. काही दिवसांपूर्वी यशोमती ठाकूर यांनी एका पोलिसावर हात उगारला होता.