अमली पदार्थ प्रकरणात कलाकार भारती सिंग यांना अटक

मुंबई – हास्य कलाकार भारती सिंग आणि त्यांचे पती हर्ष लिंबाचिया यांना अमली पदार्थ प्रकरणात केंद्रीय अमली पदार्थविरोधी पथकाने (एन्.सी.बी.ने) अटक केली आहे. पोलिसांनी भारती सिंग आणि हर्ष लिंबाचिया यांच्या घरावर धाड टाकली होती. काही दिवसांपूर्वी एका अमली पदार्थ विक्री करणार्‍याला अटक करण्यात आली होती. त्याच्या चौकशीनंतर ही धाड टाकण्यात आली. या वेळी त्यांच्या घरात ८६.५ ग्रॅम गांजा सापडला. या चौकशीत भारतीने अमली पदार्थांचे सेवन करत असल्याचे मान्य केले आहे.