सनातन प्रभात > Post Type > बातम्या > आंतरराष्ट्रीय बातम्या > Lawrence Bishnoi Extradition : अमेरिका भारताच्या कारागृहात असणारा गुंड लॉरेन्स बिश्नोई याच्या प्रत्यार्पणाची मागणी करणार

Lawrence Bishnoi Extradition : अमेरिका भारताच्या कारागृहात असणारा गुंड लॉरेन्स बिश्नोई याच्या प्रत्यार्पणाची मागणी करणार

(प्रत्यार्पण म्हणजे एखाद्या गुन्हेगाराला एका देशाकडून दुसर्‍या देशाच्या स्वाधीन करण्याची कायदेशीर प्रक्रिया)

वॉशिंग्टन (अमेरिका) – अमेरिकेचा न्याय विभाग भारतातील कारागृहात असणारा गुंड लॉरेन्स बिश्नोई याच्या प्रत्यार्पणाची भारताकडे मागणी करणार आहे. वर्ष २०१४ पासून तो गुजरातमधील कारागृहात आहे. कॅनडातील खलिस्तानी आतंकवादी हरदीपसिंह निज्जर याच्या हत्येसह इतर अनेक गुन्ह्यांमध्ये लॉरेन्स बिश्नोई याच्यावर आरोप निश्चित करण्यात आले आहेत.

न्याय विभागाने काही दिवसांपूर्वीच ‘ऑपरेशन हार्डबॉल’ अंतर्गत दोषारोपपत्रात ३७ जणांवर गुन्हे प्रविष्ट केले होते. अमेरिका, कॅनडा आणि युरोपमधील कायदा अंमलबजावणी संस्था यांनी संयुक्तपणे केलेल्या या कारवाईत ३ भारतीय गुन्हेगारी टोळीशी संबंधित २४ जणांना अटक करण्यात आली. बिश्नोई आणि त्याचा साथीदार गोल्डी ब्रार यांच्यासह अमेरिकेच्या दोषारोपपत्रात नाव असलेल्या इतर टोळी प्रमुखांमध्ये आसामच्या कारागृहात असलेला जग्गू भगवानपुरिया आणि कॅनडातील रहिवासी रवींदरसिंह धांडा यांचा समावेश आहे. बिश्नोई आणि ब्रार यांच्यावर निज्जरच्या हत्येचा आदेश दिल्याचा आरोप आहे. अमेरिकेने ब्रारचा ठावठिकाणा सांगणार्‍याला ५० सहस्र डॉलर्सचे (४७ लाख ६६ सहस्र ५२५ रुपये) बक्षीस घोषित केले आहे.

संपादकीय भूमिका

भारत खलिस्तानी आतंकवादी गुरपतवंतसिंह पन्नू याच्या प्रत्यार्पणाची मागणी अमेरिकेकडे का करीत नाही ?

नूतन लेख