शिंगवे (पुणे) येथे धर्मांधाकडून ४ वर्षीय बालिकेचा विनयभंग !

पुणे – जिल्ह्यातील आंबेगाव तालुक्यातील शिंगवे गावात ४ वर्षीय बालिकेचा विनयभंग केल्याप्रकरणी केशकर्तन करणार्‍या परप्रांतीय महंमद फरदीन शहा याला पारगाव पोलिसांनी अटक केली. न्यायालयात उपस्थित केल्यानंतर त्याला १३ जुलैपर्यंत पोलीस कोठडी सुनावली आहे.

४ वर्षांची पीडिता नातेवाइकांसमवेत केस कापण्यासाठी स्थानिक केशकर्तनालयामध्ये गेली होती. त्या वेळी बालिकेला एकटीला पाहून आरोपी महंमद याने तिच्याशी अश्लील आणि चुकीचे वर्तन केले. या घटनेमुळे मुलीच्या कुटुंबियांनी लगेचच पारगाव पोलीस ठाण्यात तक्रार प्रविष्ट केली.

‘आंबेगाव तालुका भारतीय जनता पक्ष’ आणि ‘नाभिक समाज सलून असोसिएशन’ने तीव्र शब्दांत निषेध व्यक्त केला. आरोपीला कठोरातील कठोर शिक्षा करण्याची मागणी केली. या परिसरात व्यवसाय करणारे सर्व परप्रांतीय कामगार आणि केशकर्तन करणारे व्यावसायिक यांची चौकशी अन् चारित्र्य पडताळणी करावी, अशी मागणी स्थानिक संघटनांनी केली आहे.