डोंबिवली येथील शास्त्रीनगर रुग्णालयात डॉक्टरांवर आक्रमण केल्याने संताप व्यक्त

ठाणे, ८ जुलै (वार्ता.) – डोंबिवली येथील महानगरपालिकेच्या शास्त्रीनगर रुग्णालयात कर्तव्य बजावत असलेल्या आधुनिक वैद्य आणि परिचारिका यांवर झालेल्या आक्रमणाच्या घटनेने नागरिकांमध्ये संतापाची लाट उसळली आहे. एका रुग्णाच्या उपचारावरून निर्माण झालेल्या वादाचे रूपांतर कोपर भागाचे नगरसेवक रमेश म्हात्रे आणि त्यांचे समर्थक यांच्याकडून आधुनिक वैद्यांना धक्काबुक्की अन् मारहाण करण्यात आली होती. याचे चित्रीकरण मोठ्या प्रमाणात सामाजिक माध्यमांवर प्रसारित झाल्यामुळे सर्वसामान्य नागरिक आणि आधुनिक वैद्य यांनी तीव्र अप्रसन्नता व्यक्त केली आहे. या प्रकरणातील मुख्य आरोपींवर कोणताही राजकीय हस्तक्षेप न होता कठोर कारवाई व्हावी, अशी मागणी डॉक्टर संघटना, सामाजिक कार्यकर्ते आणि नागरिक यांच्याकडून जोर धरत आहे.

या प्रकरणी गुन्हा नोंद करत अक्षय करंडे, रमेश पवार आणि प्रमोद निकम या तिघांना पोलिसांनी अटक केली आहे. ५ आरोपींमध्ये एका महिला आरोपी आहे, तर नगरसेवक रमेश म्हात्रे यांनाही अटक करण्याची प्रक्रिया आम्ही चालू असल्याचे समजते.