सनातन प्रभात > Post Type > बातम्या > आंतरराष्ट्रीय बातम्या > Buddhist Monks Killed : थायलंड : ११ वर्षीय मुलाचा ट्रकवरील ताबा सुटून झालेल्या अपघातात ९ बौद्ध भिक्षूंचा मृत्यू

Buddhist Monks Killed : थायलंड : ११ वर्षीय मुलाचा ट्रकवरील ताबा सुटून झालेल्या अपघातात ९ बौद्ध भिक्षूंचा मृत्यू

बँकॉक (थायलंड) – थायलंडच्या ईशान्य भागात २ जुलै या दिवशी ११ वर्षीय मुलाचा ट्रकवरील ताबा सुटून झालेल्या अपघातात ९ बौद्ध भिक्षूंचा मृत्यू झाला. यासह अनेक जण घायाळ झाले आहेत. पोलिसांनी आरोपी अल्पवयीन मुलाला कह्यात घेतले आहे. बाल संरक्षण अधिकार्‍यांच्या उपस्थितीत त्याचे अन्वेषण केले जाणार आहे.

१. मुकदाहान प्रांतातील ३५ बौद्ध भिक्षू २६० किलोमीटर लांबीच्या पायी तीर्थयात्रेला निघाले होते. यात्रा चालू झाल्यानंतर अवघ्या ३० मिनिटांतच हा अपघात झाला.

२. ५ भिक्षूंचा जागीच मृत्यू झाला, तर ४ जणांचा रुग्णालयात उपचारांच्या वेळी मृत्यू झाला. १३ घायाळ भिक्षूंना रुग्णालयात भरती करण्यात आले असून त्यांच्यापैकी ३ जणांची प्रकृती चिंताजनक आहे.

३.बौद्ध भिक्षू रस्त्याच्या कडेला एका रांगेत चालत असतांना सदर मुलाचे ट्रकवरील नियंत्रण सुटले आणि या ट्रकची भिक्षूंना धडक बसली. अपघाताचे नेमके कारण शोधले जात आहे.

नूतन लेख